काठमाण्डौ । नेपाल राष्ट्र बैंकले गएको सोमवारदेखि नयाँ नोट सटहीको सुविधा दिएको भने पनि धेरै बैंकहरुले नयाँ नोट नभएको भन्दै फर्काउने गरेका छन् । वाणिज्य बैंकले तोकेको नजिकको शाखा कार्यालयमा गइ नोट सटही गर्न राष्ट्र बैंकले आग्रह गरेको छ । तर वाणिज्य बैंकहरुले तोकेको शाखाबाट समेत नोट साट्न आनाकानी गर्दै आएका छन् ।
नयाँ नोट साट्न पुगेका सेवाग्राहीलाई बैंकहरुले नोट नभएको भन्दै रित्तै हात फर्काउने गरेका छन् । कतिपय बैंकहरुले राष्ट्र बैंकबाटै पैसा नआएको जवाफ दिने गरेका छन् । तर, नेपाल राष्ट्र बैंकले भने नयाँ नोटको अभाव नभएको र अघिल्ला वर्षझैँ यसपालि पनि बैंक तथा वित्तीय संस्थाहरूलाई पर्याप्त नयाँ नोट दिएको जनाएको छ ।
वाणिज्य बैंकहरुले मागेजति नयाँ नोट उपलब्ध गराएको राष्ट्र बैंकको दाबी छ । तर, नयाँ नोट साट्न बैंक पुगेका धेरै सेवाग्राही भने रित्तो हात फर्कन बाध्य छन् । दशैँमा टीका लगाउँदा दक्षिणा आदान–प्रदान गर्न नयाँ नोट प्रयोग गर्ने चलन छ । राष्ट्र बैंकले एक जनालाई ५, १०, २०, ५० र एकसय रुपैयाँको एक, एक प्याकेट गरी १८ हजार ५ सय रुपैयाँसम्मको नयाँ नोट सटही उपलब्ध गराउने बताएको छ ।
बैङ्किङ्गबाट थप समाचार
वैशाख महिनाको लागि धेरै बैंकहरुले ब्याजदर घटाए
सेयर बजारसहित बैंक तथा वित्तीय संस्था आज बन्द हुने
आठ महिनामा नौ खर्ब एकसट्ठी अर्ब भित्रियो रेमिट्यान्स
७ महिनामा जम्मा ६३ अर्ब २७ करोड रुपैयाँ मात्रै विकास बजेट खर्च
वाणिज्य बैंकहरुको ब्याजदर फेरि घट्यो
नवौँ राष्ट्रिय पत्रकारिता दिवस आज
ब्राजिलमा बाढीका कारण ५५ जनाको ज्यान गयो, ७४ जना बेपत्ता
इजरायलले अल जजिरा च्यानलमाथि प्रतिबन्ध लगाउने
आज बागमतीसहित तीन प्रदेशमा वर्षाको सम्भावना
क्रिकेटर सन्दीप लामिछानेको मुद्दामा आज सुनुवाइ
सन्तानलाई संस्कार कि सम्पत्ति
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८