६ लाख भन्दा धेरैले शेयर पाउने गरि फेरि आउँदैछ यति ठुलो नयाँ आईपीओ !

काठमाडौं । पुँजी बजारमा लगानीकर्ता आकर्षित भैरहेका बेला फेरी अर्को नयाँ कम्पनीको आईपीओ आउने भएको छ । ग्रीन भेञ्चर्स लिमिटेडले आम सर्वसाधारणका ६२ करोड ५० लाखको आईपीओ निष्कासन गर्ने प्रक्रिया अघि बढाएको हो ।

ओखलढुंगा र रामेछाप जिल्लामा १२० मेगावाटको जलविद्युत आयोजना निर्माण गरिरहेको ग्रीन भेञ्चर्सले ६२ लाख ५० हजार कित्ता आइपीओ निश्कासनको माग गर्दै धितोपत्र बोर्डमा आवेदन पेश गरेको छ ।

आयोजना प्रभावित स्थानीय र आम सर्वसाधारणलाई आईपीओ निष्कासन गर्नका लागि यो कम्पनीले आवेदन दिएको हो ।कम्पनीले प्रतिकित्ता १०० रुपैयाँका दरमा निष्काशन गर्न लागेको हो ।

धितोपत्रको निश्कासन तथा बिक्री प्रबन्धकको काम लक्ष्मी क्यापिटल मार्केट लिमिटेडले गर्नेछ । ग्रीन भेञ्चर्स प्रालि भारतको भिलवारा इनर्जी लिमीटेड र नेपालको त्रिवेणी इनर्जी प्रालिको संयुक्त लगानी रहेको कम्पनी हो ।