काठमाडौँ । नेपालबाट भैंसीको मासु आयात गर्न चीन सकारात्मक देखिएको छ । प्रधानमन्त्री पुष्पकमल दाहालको चीन भ्रमणका क्रममा चिनियाँ पक्षले नेपाललाई भैंसीको मासु निर्यात गर्न स्वीकृति दिने प्रक्रियालाई तीव्रता दिने जनाएको हो ।
प्रधानमन्त्री दाहालको चीन भ्रमणका क्रममा मंगलबार बेइजिङबाट जारी संयुक्त वक्तव्यमा नेपालबाट भैंसीको मासु आयातको प्रक्रियालाई तीव्रता दिने उल्लेख छ । यसले नेपाल र चीनबीचको व्यापार घाटा घटाउन सघाउने पनि दुवै पक्षले जनाएका छन् ।
नेपालले चीनबाट धेरै वस्तु आयात गरे पनि यताबाट पठाइने वस्तु भने सीमित छ । प्रधानमन्त्री दाहालको भ्रमणका क्रममा नेपाली पक्षले चीनले केही वस्तुमा भन्सार छुट गरेकोमा चिनियाँ पक्षलाई धन्यवादसमेत दिएको थियो । गत आर्थिक वर्षमा नेपालले चीनबाट करिब २ खर्ब २२ अर्ब रुपैयाँबराबरको विभिन्न सामान आयात गरेको थियो भने चीनतर्फ करिब साढे २ अर्ब रुपैयाँबराबरको मात्र सामान निर्यात भएको छ ।
चीनको सामान्य प्रशासन, भन्सार मन्त्रालय र नेपालको कृषि र पशुपन्छी विकास मन्त्रालयबीच नेपालबाट चीनमा औषधि उत्पादनका लागि वनस्पति निर्यातसम्बन्धी प्रोटोकलमा समेत सहमति भएको छ । त्यस्तै याक, नाक र च्याङ्ग्राको नश्ल सुधारका लागि समेत दुई देशबीच सहकार्य हुने संयुक्त वक्तव्यमा उल्लेख छ ।
प्रवासबाट थप समाचार
अफगानिस्तानमा बाढीबाट ३०० भन्दा बढीको मृत्यु
भारतमा लोकसभाका लागि तेस्रो चरणको निर्वाचन सुरु
ब्राजिलमा बाढीका कारण ५५ जनाको ज्यान गयो, ७४ जना बेपत्ता
इजरायलले अल जजिरा च्यानलमाथि प्रतिबन्ध लगाउने
गायक रवि ओड ५ लाख धरौटीमा रिहा
पश्चिम बंगालमा चट्याङ लागेर ११ जनाको मृत्यु
दुबै सदको संघीय संसद् अन्तर्गत बैठक आज बस्दै
चौथोपटक विश्वासको मत लिँदै प्रधानमन्त्री प्रचण्ड
हावा हुरी सहित वर्षाको सम्भावना
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८