काठमाडौँ । नेपालबाट भैंसीको मासु आयात गर्न चीन सकारात्मक देखिएको छ । प्रधानमन्त्री पुष्पकमल दाहालको चीन भ्रमणका क्रममा चिनियाँ पक्षले नेपाललाई भैंसीको मासु निर्यात गर्न स्वीकृति दिने प्रक्रियालाई तीव्रता दिने जनाएको हो ।
प्रधानमन्त्री दाहालको चीन भ्रमणका क्रममा मंगलबार बेइजिङबाट जारी संयुक्त वक्तव्यमा नेपालबाट भैंसीको मासु आयातको प्रक्रियालाई तीव्रता दिने उल्लेख छ । यसले नेपाल र चीनबीचको व्यापार घाटा घटाउन सघाउने पनि दुवै पक्षले जनाएका छन् ।
नेपालले चीनबाट धेरै वस्तु आयात गरे पनि यताबाट पठाइने वस्तु भने सीमित छ । प्रधानमन्त्री दाहालको भ्रमणका क्रममा नेपाली पक्षले चीनले केही वस्तुमा भन्सार छुट गरेकोमा चिनियाँ पक्षलाई धन्यवादसमेत दिएको थियो । गत आर्थिक वर्षमा नेपालले चीनबाट करिब २ खर्ब २२ अर्ब रुपैयाँबराबरको विभिन्न सामान आयात गरेको थियो भने चीनतर्फ करिब साढे २ अर्ब रुपैयाँबराबरको मात्र सामान निर्यात भएको छ ।
चीनको सामान्य प्रशासन, भन्सार मन्त्रालय र नेपालको कृषि र पशुपन्छी विकास मन्त्रालयबीच नेपालबाट चीनमा औषधि उत्पादनका लागि वनस्पति निर्यातसम्बन्धी प्रोटोकलमा समेत सहमति भएको छ । त्यस्तै याक, नाक र च्याङ्ग्राको नश्ल सुधारका लागि समेत दुई देशबीच सहकार्य हुने संयुक्त वक्तव्यमा उल्लेख छ ।
प्रवासबाट थप समाचार
युक्रेनको पावर प्लान्टमा रुसको आक्रमण
इजरायलले गाजामा राहत सामग्री पुर्याउन तीनवटा बाटो खोल्ने
तोलामा दुई हजार रुपैयाँले बढ्यो सुनको भाउ
वेस्ट इन्डिज एु ले टस जित्यो, नेपाललाई बलिङको निम्तो
तराई मधेशमा गर्मीसँगै तातो लहर अझै केही दिन बढ्ने
आईपीएल क्रिकेटमा आज लखनउ र मुम्बई खेल्दै
इलाम–२ मा एमालेका सुहाङ नेम्वाङ निर्वाचित
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८