काठमाडौं । पाकिस्तानको दक्षिणी सिन्ध प्रान्तमा रेल दुर्घटना हुँदा कम्तीमा ३० जनाको मृत्यु भएको छ भने करीब एक सय जना घाइते भएका छन्।
कराँचीबाट रावलपिण्डीतर्फ गइरहेको हजारा एक्सप्रेसका १० वटा डब्बा नवाबशाह जिल्लाको सहारा रेलवे स्टेशननजिकै लिकबाट तल खस्दा उक्त दुर्घटना भएको रेडियो पाकिस्तानले जनाएको छ। दुर्घटनास्थल कराँचीबाट करीब २ सय ७५ किलोमिटरको दुरीमा रहेको जनाइएको छ।
घाइते यात्रुहरुलाई नवाबशाह जिल्लास्थित पिपुल्स मेडिकल कलेजमा लगिएको जनाइएको छ। घटनापछि सिन्ध प्रान्तभित्र आवतजावत गर्ने रेल सेवा स्थगन गरिएको छ । रेल सेवा पुनस्संचालनमा ल्याउन १८ घण्टासम्म लाग्न सक्ने अधिकारीहरुले जनाएका छन्।
१७ वटा डब्बा भएको उक्त रेलमा क्षमताभन्दा बढी यात्रु रहेको जनाइएको छ। रेलमा इकोनोमी क्लासमा ९५० र वातानुकुलित क्लासमा ७२ गरी एक हजार २२ यात्रु बस्ने क्षमता रहेको थियो। रेल दुर्घटनाको कारण अझै नखुलेको पाकिस्तानी सञ्चारमाध्यमले जनाएका छन्।
प्रवासबाट थप समाचार
अफगानिस्तानमा बाढीबाट ३०० भन्दा बढीको मृत्यु
भारतमा लोकसभाका लागि तेस्रो चरणको निर्वाचन सुरु
ब्राजिलमा बाढीका कारण ५५ जनाको ज्यान गयो, ७४ जना बेपत्ता
इजरायलले अल जजिरा च्यानलमाथि प्रतिबन्ध लगाउने
गायक रवि ओड ५ लाख धरौटीमा रिहा
पश्चिम बंगालमा चट्याङ लागेर ११ जनाको मृत्यु
दुबै सदको संघीय संसद् अन्तर्गत बैठक आज बस्दै
चौथोपटक विश्वासको मत लिँदै प्रधानमन्त्री प्रचण्ड
हावा हुरी सहित वर्षाको सम्भावना
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८