काठमाडौं । नेपाल घरेलु तथा साना उद्योग महासंघको २५ औं राष्ट्रिय महाअधिवेशन आगामी जेठ तेस्रो साता हुने गरी तय भएको छ ।
महासंघको शनिवार यहाँ बसेको केन्द्रीय कार्यसमितिको बैठकले आगामी जेठ २४ देखि २६ गतेसम्म २५ औं महाधिवेशन तथा २२औं महिला उद्यमी सम्मेलन सम्पन्न गर्ने निर्णय गरेको हो ।
बैठकले त्यसभन्दा अगाडि प्रदेश सम्मेलन, ७७ ओटै जिल्लामा अधिवेशन पनि सम्पन्न गर्ने निर्णय गरेको छ । महाधिवेशनले आगामी तीन वर्षका लागि नयाँ कार्यसमिति चयन गर्ने छ । बैठकमा महासङ्घका महासचिव डम्बरप्रसाद रेग्मीले महासंघको प्रगति प्रतिवेदन र कोषाध्यक्ष सत्यनारायण प्रजापतिले आर्थिक प्रतिवेदन पेश गरेका थिए ।
विगतमा भएका केन्द्रीय सचिवालय समिति बैठकका निर्णयको जानकारी र कार्य व्यवस्थापन समिति बैठकका निर्णयको बैठकले अनुमोदन गरेको थियो । महाधिवेशनका लागि समान प्रकृतिका सङ्घसंस्थासँग एकीकरणका सम्बन्धमा बैठकले निर्णय गरेको थियो । महासंघले नेपाल नवीकरणीय ऊर्जा परिसङ्घसँग एकीकरणका सन्दर्भमा प्रक्रिया अगाडि बढाएको छ ।
परिसङ्घ नेपालमा नवीकरणीय ऊर्जा प्रविधि विकास र विस्तारमा लागि क्रियाशील रहेका निजी क्षेत्रका कम्पनी र फार्महरूको छाता सङ्गठन र गैरसरकारी संस्थाको एकल संस्थाका रूपमा रहेको गैरनाफामूलक गैरसरकारी संस्था हो ।
बैठकमा परिसङ्घका अध्यक्ष गुणराज ढकालले महासंघसँग एकीकरणका लागि गरिएको निर्णयसम्बन्धी जानकारीपत्र महासङ्घका अध्यक्ष श्यामप्रसाद गिरीलाई हस्तान्तरण गरेका थिए ।
बैठकमा महासंघका अध्यक्ष श्याम गिरी, निवर्तमान अध्यक्ष सुरेश प्रधान, वरिष्ठ उपाध्यक्ष उमेशप्रसाद सिंह, उपाध्यक्ष सूर्य कँडेललगायतले संस्थाको गतिविधिका बारेमा जानकारी गराएका थिए ।
कर्पोरेटबाट थप समाचार
एनसेलको शेयर खरिद बिक्रीबारे लिखित जवाफ माग
विदेशी मुद्राको विनिमय सञ्चिती रु १६ खर्ब ९६ अर्ब कायम
नेप्से परिसूचकमा दोहोरो अङ्कको गिरावट
अस्पतालले मृत घोषणा गरेका व्यक्ति जीवितै
डेढ किलो सुन सहित १ करोड रुपैयाँ बरामद
तत्काल पानी पर्ने सम्भावना छैन ः मौसमविद्
कक्षा १२ को परीक्षा भोलिदेखि, ४ लाख ९१ हजार परीक्षार्थी
नेपाली बास्केटबल टोली चीन जाने
प्रभु केबुलकारले आईपीओ जारी गर्ने
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८