काठमाडौं । सेयर कारोबार मापक नेप्से परिसूचकमा उछाल कायमै रहेको छ । पछिल्लो दिनदेखि निरन्तर बढ्दै आएको नेप्सेले आज (सोमबार) पनि ऐतिहासिक उचाई चुम्न सफल भएको हो ।
सोमबारको बजारमा परिसूचक २८.७९ अंकले बढेर १९९७.०५ अंकमा पुगेको छ । जुन हालसम्मकै उच्च बिन्दु हो । उक्त बिन्दु आइतबारको तुलनामा १.४६ प्रतिशतले बढी हो ।
नेप्सेले प्रि ओपनिङ्ग सेसनमै २००० बिन्दु पार गरेको थियो । त्यसपछिको बजारमा पनि परिसूचक निरन्तर बढेर अधिकतम २०२८ अंकमा पुगेको थियो । त्यसपछिको कारोबारमा भने बजारमा उचार चढाव देखियो । र, अन्ततः बजार बन्द हुँदा परिसूचक २८ अंकले बढेर १९९७ अंकमा पुगेको छ ।
त्यस्तै, क वर्गको कारोबार मापन गर्ने सेन्सेटिभ इन्डेक्स पनि १.६३ अंकले बढेर ३८५.५६ अंकमा पुगेको छ ।
आइतबारको तुलनामा सोमबारको बजारमा कारोबार रकममा भने करेक्सन भएको छ । आइतबार ९ अर्ब माथिको सेयर किनबेच भएको बजारमा सोमबार भने ८ अर्ब ८६ करोड रुपैयाँ बराबरको सेयर कारोबार भएको छ । सोमबार १९८ कम्पनीको २ करोड ५१ लाख ९१ हजार ३१९ कित्ता सेयर किनबेच भएको छ
अर्थ बाणिज्यबाट थप समाचार
शेयर बजार ८ अङ्कले बढ्यो, ३ अर्ब १५ करोड रुपैयाँको कारोबार
तोलामा दुई हजार रुपैयाँले बढ्यो सुनको भाउ
प्रभु केबुलकारले आईपीओ जारी गर्ने
सुनको भाउले आज फेरि राख्यो नयाँ रेकर्ड
पेट्रोल, डिजेल र मट्टितेलको मूल्य बढयो
सन्दीप लामिछानेको मुद्दामा उच्च अदालतमा सुनुवाइ
पहाडी क्षेत्रमा मौसम आंशिक बदली
क्रिकेट रंगशाला निर्माण सरकारको प्राथमिकतामा
गृहमन्त्री लामिछानेविरुद्ध मुद्दा दायर
काठमाडौंको वायु अझै स्वस्थकर
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८