प्रधानमन्त्री शेरबहादुर देउवा आइसोलेसनमा
पुस २५, २०७८
काठमाडौं । प्रधानमन्त्री शेरबहादुर देउवा आइसोलेसनमा बस्नुभएको छ । शुक्रबार सत्ता गठबन्धन दलका शीर्ष नेताहरुसहित उच्चस्तरीय समन्वय समितिको बैठकमा प्रधानमन्त्री देउवा सहभागी हुनुभएको थियो ।
शनिबार माओवादी केन्द्रका अध्यक्ष प्रचण्ड, नेता नारायणकाजी श्रेष्ठ लगायतमा कोभिड पुष्टि भएपछि उहाँ आइसोलेसनमा बस्नुभएको हो । शनिबार नै एमाले अध्यक्ष केपी शर्मा ओलीसँग भेटवार्ता गरेर फर्किएलगत्तै प्रचण्ड संक्रमित भएको खबर पाएपछि देउवा आइसोलेसनमा बस्नुभएको प्रधानमन्त्रीको सचिवालयले जनाएको छ ।
सचिवालयका एक सदस्यका अनुसार आफु कन्ट्रयाक ट्रेसिङमा परेपछि प्रधानमन्त्री देउवा सम्पूर्ण भेटघाट बन्द गरेर आइसोलेट हुनु भएको हो । देउवामा कोभिडसँग मिल्दो लक्षण भने देखिएको छैन । कोभिड परिक्षण कहिले गर्ने वा नगर्ने भन्ने बारे यकिन नभएको बताइएको छ ।
