नेकपा एकिकृत समाजवादीको ज्वालामुखी ३ स्तरिय वडा कमिटी गठन
मंसिर २६, २०७८
धादिंग । नेपाल कम्युनिष्ठ पार्टी एकिकृत समाजवादी जनताको चाहना अनुसार कार्य गर्ने पार्टी भएको धादिंगका जिल्ला कमिटी सदस्य एवं कार्यालय सचिव केशव दुवाडीले बताउनु भएको छ । समाजवाद कुराले मात्र नआउने भन्दै नेता दुवाडीले यसका लागि जनताले अनुभुती गर्ने गरी कार्य गर्नुपर्ने उहाँको भनाई छ ।
पद र प्रतिष्ठा प्राप्तिका लागि व्यक्तिलाई नै पार्टी मान्ने परिपाटीका कारण राजनिति मुल्य मान्यता र नीतिगत हिसाबले अघि बढ्न नसकेको हुँदा समस्या सृजना भएको ज्वालामुखी वडा नम्बर १ का वडाध्यक्ष रामप्रसाद सिलवालले बताउनु भयो । हिजो धादिंगको ज्वालामुखी गाउँपालिका वडा नम्बर ३ मा सम्पन्न अगुवा कार्यकर्ता भेलामा नेताहरुले यस्तो बताएका हुन् ।
सोही भेलाले नेपाल कम्युनिष्ठ पार्टी एकिकृत समाजवादीको ज्वालामुखी ३ नंं वडास्तरीय कमिटी गठन गरेको छ । इन्चार्ज विष्णुबहादुर अर्यालको अध्यक्षतामा सम्पन्न भेलाले स्थानीय हरि पाठकको अध्यक्षतामा वडा नम्बर ३ स्तरिय कमिटी गठन गरेको हो । कमिटीको उपाध्यक्षमा लाल बहादुर श्रेष्ठ, सचिवमा एकबहादुर खुलाल र सह सचिवमा हरि अर्याल रहनु भएको सह इन्चार्ज सुरेश भट्टले जानकारी दिनुभयो ।
