ठूलो दुर्घटना हुनबाट बच्यो सीता एयरको विमान, बँदेलसँग ठोकियो
कार्तिक १६, २०७८
काठमाडौं । सीता एयरको जहाज नेपालगञ्ज विमानस्थलको धावनमार्गमा ठूलो दुर्घटना हुनबाट जोगिएको छ ।
मंगलवार बिहान नेपालगञ्ज विमानस्थलको धावनमार्गमा विमान बँदेलसँग ठोक्किएर दुर्घटनामा परेको विमानस्थल स्रोतले जानकारी दिएको छ ।
हुम्लाको सिमिकोट उड्ने क्रममा नाइन एन एएचएबी कल साइन जहाज धावनमार्गमा गुडिरहेका बेला बँदेलसँग ठोक्किएको हो ।
यात्रु र चालक दलका सदस्य सकुशल छन् । तर, जहाजको अगाडिको टायरभन्दा माथिल्लो भागमा प्वाल परेको छ ।
अहिले विमानस्थल ठप्प छ ।
विमानलाई हटाएर केही बेरमा विमानस्थल सञ्चालनमा ल्याइने विमानस्थल स्रोतले बताएको छ ।
