नेकपा (एकीकृत समाजवादी) ले आज संसदीय दलको नेता चुन्दै
भदौ १३, २०७८
काठमाडौं । नेकपा एमालेबाट विभाजन भएर बनेको नेकपा (एकीकृत समाजवादी) ले संसदीय दलको नेता चुन्न आज संसदीय दलको बैठक बोलाएको छ । बिहान ११ बजे एक होटलमा बोलाइएको दलको बैठकले दलको नेता चुन्नेछ ।
पार्टीका सांसद मेटमणि चौधरीले दलको नेता चुन्न दलको बैठक बिहान ११ बजे बोलाइएको जानकारी दिए । ‘बिहान ११ बजे दलको बैठक आह्वान भएको छ । बैठकले दलको नेता चुन्ने एजेण्डा छ,’ सांसद चौधरीको भनाई छ । बैठकमा दलका पदाधिकारी चुन्ने विषयमा पनि छलफल हुनेछ । पार्टीे ९ भदौमा निर्वाचन आयोगमा दर्ता भएको थियो ।
दलको नेता पार्टी अध्यक्ष नेपाल हुने पक्कापक्की जस्तै भएको छ । उनीबाहेक अरु कसैको दाबी दलको नेतामा नरहेको सांसद चौधरीले बताएका छन् ।
