नेपाललाई कोभिड विरुद्ध लड्न भन्दै भारतले दियो अक्सिजन प्लान्ट
भदौ १०, २०७८
काठमाडौं । नेपाललाई भारतले अक्सिजन प्लान्ट सहयोग प्रदान गरेको छ । नेपालका लागि भारतीय राजदूत विनय मोहन कात्राले स्वास्थ्य राज्यमन्त्री उमेश श्रेष्ठलाई सो प्लान्ट हस्तान्तरण गर्नुभएको हो । धरानस्थित बीपी कोइराला स्वास्थ्य विज्ञान प्रतिष्ठानका लागि सो प्लान्ट प्रदान गरिएको हो । भारतले नेपाललाई अक्सिजन प्लान्ट सहयोग गरेको छ ।
धरानस्थित बीपी कोइराला स्वास्थ्य विज्ञान प्रतिष्ठानका लागि सहयोग गरिएको उक्त प्लान्ट नेपालका लागि भारतीय राजदूत विनय मोहन क्वात्राले स्वास्थ्य राज्यमन्त्री उमेश श्रेष्ठलाई हस्तान्तरण गरेका हुन् ।
प्रति व्यक्ति ५ एलपीएम (लिटर प्रति मिनेट) क्षमता भएको उक्त अक्सिजन प्लान्टको कूल क्षमता ९६० एलपीएम रहेको छ । यो प्लान्टले एकपटकमा २०० जना बिरामीलाई सेवा प्रदान गर्ने क्षमता रहेको जनाइएको छ । कोभिड–१९ महामारी विरुद्धको लडाइमा नेपालसँग हातेमालो गर्ने उदेश्यका साथ अक्सिजन प्लान्ट सहयोग गरिएको दूतावासले जारी गरेको विज्ञप्तिमा उल्लेख छ ।
