करेसाबारीको पहिरोले एक जनाका ज्यान गयो
भदौ ३, २०७८
काठमाडौं । पहिरोमा पुरिँदा नुवाकोटमा एक जनाको मृत्यु भएको छ । नुवाकोटको बेलकोटगढी नगरपालिका–५ लामाचौरका विष्णुप्रसाद लामिछानेको मृत्यु भएको हो ।
घर माथिबाट खसेको पहिरो पन्छाउने क्रममा ४३ वर्षिय लामिछानेको घटनास्थलमा नै मृत्यु भएको जिल्ला प्रहरी कार्यालय नुवाकोटले जनाएको छ । करेसाबारीमा पहिरोको माटो पन्छाउने क्रममा थप पहिरो खस्दा उनी पुरिएका थिए ।
हाल उनको शव परिक्षणका लागि त्रिशुली अस्पताल लगिएको छ । पहिरोका कारण उनको घर समेत जोखिममा परेको छ ।
