केपी शर्मा ओलीले अध्यक्षबाट हटेमा मात्र एकता गर्न सकिने झाँक्रिको भनाई
साउन १६, २०७८
काठमाडौं । नेकपा एमालेकि नेतृ रामकुमारी झाँक्रिले पार्टीलाई अहिलेको स्थितिमा ल्याउने व्यक्तिहरुले नेतृत्व नत्यागेसम्म पार्टी एकता हुन नसक्ने बताउनुभएको छ ।
एमाले अध्यक्ष केपी शर्मा ओलीले गल्ती महशुस गर्दै पार्टी अध्यक्ष छाडेमा एकता गर्न मार्गप्रशस्त हुने झाँक्रिको धारणा छ । प्रतिगमनकारी कदम उठाएको प्रति आत्मालोचित हुँदै पार्टी नेतृत्वबाट बाहिरीएमा मात्र एकता गर्न सकिन्छ उहाँले भन्नुभयो । प्रतिगमनकारीले सामान्य प्रायश्चित समेत नगरी कुममा कुम जोडाउँदैमा एकता कसरी हुन्छ ? उहाँको प्रश्न छ ।
आफु पार्टी एकता विरोधी नभएको तर कम्युनिष्ठ आन्दोलनको विसर्जन कसले गर्यो ? पुस ५ र जेठ ७ प्रतिगमन कि जनादेश भन्ने प्रष्ट हुनुपर्ने बताउनुभयो । संसद विघटनलाई यि दुई तरिकाले बुझ्ने पंक्ति एमालेमा रहेकोले सबैको बुझाई एउटै नभएसम्म पार्टी एकता हुन सम्भव नभएको झाँक्रीको भनाई छ ।
आज सम्पन्न अखिल फोर्सको बृहत् भेलालाई सम्बोधन गर्दै उहाँले यस्तो बताउनुभएको हो ।
