काठमाडौं । शुक्रबार तुइन तर्ने क्रममा महाकाली नदीमा खसेर जयसिंह धामी बेपत्ता भएको घटनाका विषयमा छानबिन गर्न सरकारले समिति गठन गरेको छ ।
गृहमन्त्री बालकृष्ण खाँडले गृहसचिवको नेतृत्वमा गृहमन्त्रालयका प्रवक्ता, नेपाल प्रहरीका सुदुरपश्चिम प्रहरी प्रमुख डिआईजी, र दार्चुलाका सहायक प्रमुख जिल्ला अधिकारी सम्मिलित छानबिन समिति गठन गर्नुभएको हो । साथै उहाँले जतिसक्दो छिटो सत्यतथ्य बाहिर लेराउन समितिलाई निर्देशन दिनुभएको छ ।
रोजगारीका शिलशिलामा काठमाडौं जानका लागि हिंडेका जयसिंह धामी तुइन तरिरहेका बेला भारतीय सिमा सुरक्षा बल (एसएसबी) ले फलामे तार काटिदिँदा सो घटना भएको प्रत्यक्षदर्शीको भनाई छ । यसअघि पनि पटक पटक तुइनको डोुरी काटिदिने र अनावश्यक दुख दिने गरेका एसएसबिले हिजो भने निकै नै अमानविय र क्रुर घटना घटाएका तुइन तार्दै आउनुभएका कल्याणसिंह धामीले बताउनुभएको छ ।
नाताले भान्जा पर्ने कल्याणसिंह धामी मामाको कारुणिक मृत्यू निरिह बनेर टुलुटुलु हेर्नुपरेको बताउँदै भन्छन् – “एसएसबिका २ जना दौडेर आएको देखें , पहिला पनि दु:ख दिने गरेका कारण तुइनलाई क्षति पुर्याउन आएको बुझेर मान्छे तर्दै छ भनेर इशारा गरेँ । तर, उनीहरुले वास्तै नगरी डोरी काटिँदिँदा तुइन तरेर किनारा नजिकै पुगिसक्नुभएको मामा नदिमा खस्नुभयो । ३,४ पटक टाउको माथि देखिंदा किनारा पट्टि जान हामीले इशारा गर्यौ तर एकैछिनमा उहाँ बेपत्ता हुनुभयो । साना भाइबहिनीलाई अब कसले पाल्ने ?”
भारतीय सिमा सुरक्षा बलले दिने दु:खका कहानी हरेक वर्ष झेल्नु परेको बताउने सो ठाउँका स्थानीयले, पक्कि पुल बनाउन सम्झौता भएता पनि पुल नबनेका कारण, तुरुन्त पुल बनाउनका लागि सरकारसँग माग गरेका छन् ।
मुख्य समाचारबाट थप समाचार
देशको पहाडी क्षेत्रमा वर्षा र तराईमा हावाहुरीको सम्भावना
नेपाल सरकारले एक सय रुपैयाँको नोटमा चुच्चे नक्सा राख्ने
जेठ २६ मा नेपाल पत्रकार महासंघको चुनाव हुने
वैशाख २४ गते बागमती प्रदेशमा सार्वजनिक बिदा
तोलामा दुई हजार रुपैयाँले बढ्यो सुनको भाउ
क्रिकेटर सन्दीप लामिछानेको मुद्दामा आज सुनुवाइ
सन्तानलाई संस्कार कि सम्पत्ति
इडिभीको नतिजा प्रकाशित
देशको पहाडी क्षेत्रमा वर्षा र तराईमा हावाहुरीको सम्भावना
नेपाल सरकारले एक सय रुपैयाँको नोटमा चुच्चे नक्सा राख्ने
जेठ २६ मा नेपाल पत्रकार महासंघको चुनाव हुने
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८