बुधबार देखि निकै ठुलो वर्षा हुने , सचेत रहन आग्रह

काठमाडौं ।  भोली अर्थात् बुधबारदेखि निकै ठूलो वर्षा हुने सम्भावना रहेको जल तथा मौसम विज्ञान विभागले जनाएको छ । त्यसैले सबैलाई सतर्कता अपनाउन मौसमविद्हरुले सुझाव समेत दिएका छन् । भोलीदेखि देखि मनसुन न्यून चापीय रेखा नेपालको तराई नजिक रहने हुनाले मनसुन सक्रिय हुने भएको हो । मंगलबार बिहान विशेष मनसुन बुलेटिन–३ जारी गर्दै विभागले यस्तो सुचना दिएको हो ।

यो मनसुनका कारण प्रदेश नं १, २, बागमती र गण्डकी प्रदेशका धेरै तथा लुम्बिनी, कर्णाली र सुदूरपश्चिम प्रदेशका थोरै स्थानमा हल्का देखि मध्यम सम्म वर्षा हुने सम्भावना छ । यस क्रममा प्रदेश १, २, बागमती, लुम्बिनी र गण्डकी प्रदेशका केही स्थानमा भारी (ठूलो) तथा निकै ठूलो (धेरै भारी) वर्षाको समेत सम्भावना रहेको बुलेटिनमा उल्लेख छ ।

‘उक्त प्रदेशका पहाडी भूभागमा पहिरो तथा गेग्रान बहावको जोखिम रहेको, नदीनाला तथा खोलाहरूमा पानीको सतह बढ्न सक्ने तथा यातायात क्षेत्र प्रभावित हुन सक्ने भएकाले आवश्यक सतर्कता अपनाउनु हुन सबैमा अनुरोध छ,’ जल तथा मौसम विज्ञान विभागले भनेको छ ।