संसद बैठकमा मतदानको प्रक्रिया सुरु
बैशाख २७, २०७८
काठमाडौं । संसद बैठक काठमाडौंमा शुरु भएको छ । प्रधानमन्त्री केपी शर्मा ओलीले विश्वासको मत लिनका लागि बोलाइएको आजको बैठक निर्धारित समयमै शुरु भएको हो । विश्वासको मत लिने प्रयोजनका लागि संसदमा मतदानको प्रक्रिया सुरु भएको छ ।
संसदको पहिलो बैठकको सुरुमा सभामुख अग्नि सापकोटाले राष्ट्रपति कार्यालयबाट विशेष अधिवेशन आह्वानसम्बन्धी पत्र पढेर सुनाएपछि आफ्नो अनुपस्थितिमा बैठकको अध्यक्षता गर्ने सांसदहरूको नामावली वाचन गरेका छन् । सो पश्चात् १५ मिनेटका लागि स्थगित बैठक पुनः संचालन भैरहेको छ ।
यो सँगै अब प्र.म. ओलीले लिन खोजेको विश्वासको मतको छिनोफानो हुनेछ ।
