बैशाख ६ गतेदेखि आउँदैछ ५२ लाख ४१ हजार कित्ता हकप्रद शेयर, कहिलेसम्म दिन मिल्छ आवेदन ?
चैत्र २०, २०७७
काठमाडौं । अरुण भ्याली हाइड्रोपावर डेभलपमेन्ट कम्पनीले हकप्रद शेयर जारी गर्ने भएको छ । कम्पनीले बैशाख ६ गतेदेखि हकप्रद शेयर निष्कासन तथा बिक्री खुल्ला गर्ने भएको हो ।
कम्पनीले१ बराबर ०.५ को अनुपातमा प्रति शेयर १०० रूपैयाँ अंकित दरमा ५२ लाख ४१ हजार १ सय ९७ सय कित्ता हकप्रद शेयर निष्कासन गर्न लागेको जनाएको छ ।
उक्त हकप्रदमा वैशाख २६ गतेसम्म आवेदन दिन सकिनेछ । कम्पनीको शेयर निष्कासन तथा बिक्री प्रबन्धक मुक्तिनाथ क्यापिटल लिमिटेडल रहेको छ ।
