बजारमा फेरि थपियो १ करोड ९ लाख कित्ता शेयर
चैत्र १४, २०७७
काठमाडौं । यस साता शेयर बजारमा १ करोड ९ लाख ५८ हजार ७४३ कित्ता शेयर थपिएको छ । नेपाल स्टक एक्सचेञ्ज (नेप्से)मा यस साता तीन कम्पनीको उक्त शेयर सूचीकृत भएको हो ।
नेप्सेमा सनराइज बैंक, नेशनल लाइफ इस्योरेन्स कम्पनी, बुटवल पावर कम्पनीको बोनस शेयर सूचीकृत भएको छ । सनराइज बैंकको ५२ लाख १ हजार ३३० कित्ता बोनस शेयर सूचीकृत भएको हो । कम्पनीले ५.८० प्रतिशत बोनस शेयर बापतको शेयर सूचीकृत गराएको हो ।
त्यस्तै, नेपाल लाइफ इन्स्योरेन्सको ३० लाख ८२ हजार ६२६.५३ कित्ता बोनस शेयर थपिएको छ । कम्पनीले १० शेयरधनीहरुलाई दिएको १० प्रतिशत बोनस बापतको शेयर सूचीकृत गराएको हो ।
त्यसैगरि यस साता नेप्सेमा बुटवल पावर कम्पनीको बोनस शेयर सूचीकृत भएको छ । कम्पनीको १० प्रतिशत बोनस वापतको २६ लाख ७४ हजार ७८७ कित्ता शेयर सूचीकृत गराएको हो ।
