फेरि थपियो नेप्सेमा एक दर्जन बढी कम्पनीको १७ करोड ३६ लाख कित्ता शेयर, कुनको कति ? (सूचीसहित)

काठमाडौं ।  नेपाली शेयर बजारमा यस साता १७ करोड ३६ लाख कित्ता शेयर थपिएको छ । नेपाल स्टक एक्सचेञ्ज (नेप्से) मा विभिन्न १५ बैंक तथा वित्तिय संस्थाको १७ करोड ३६ लाख ९१ हजार ५९९ कित्ता शेयर सूचीकृत भएको छ ।

यस साता चार बैंक, चार लघुवित्त, दुई हाइड्रोपावर कम्पनी, एक बीमा कम्पनी, फाइनान्स तथा फण्ड लगायतका विभिन्न कम्पनीको शेयर सूचीकृत भएको छ ।
नेप्सेका अनुसार १२ कम्पनीको बोनस शेयर, दुई कम्पनीको आईपीओ र एक कम्पनीको हकप्रद शेयर गरी सूचीकृत भएको हो ।

नेप्सेमा फागुन ९ गते रिद्धि हाइड्रोपावर डेभलपमेन्ट कम्पनीको २ लाख ७८ हजार ८३७ कित्ता बोनस शेयर, सानिमा माई हाइड्रोपावर कम्पनीको २५ लाख ५३ हजार १ सय कित्ता, प्राइम लाइफ इन्स्योरेन्स कम्पनीको १५ लाख ८१ हजार २५३ कित्ता बोनस शेयर सूचीकृत भएको हो ।

त्यस्तै, एभरेष्ट बैंकको ४२ लाख ३५ हजार १०३ दशमलव ४२ कित्ता, स्पर्श लघुवित्त वित्तिय संस्थाको १ लाख ८२ हजार ८०८ दशमलव ९७ कित्ता, आइटीएफसी फाइनान्सको ९ लाख ७७ हजार ६३८ कित्ता बोनस शेयर सूचीकृत भएको नेप्से जनाएको छ ।

त्यसैगरि यस साता ओमी लुघुवित्तको ८ लाख ३३ हजार ५४४ कित्ता, आशा लघुवित्तको ३ लाख ४८ हजार ४३२ कित्ता, स्ट्यान्र्ड च्यार्टर बैंकको ५६ लाख ८ हजार एक दशमलव ४७ कित्ता, ग्लोबल आइएमई लघुवित्तको ७ लाख १३ हजार ९१ दशमलव ०८ कित्ता, मेगा बैंकको एक करोड ३३ लाख २२ हजार ६९५ दशमलव ४२ कित्ता र कृषि विकास बैंकको १ करोड ४३ लाख ३४ हजार ६९१ दशमलव ०५ कित्ता बोनस शेयर सूचीकृत भएको नेप्सेले जनाएको छ ।

त्यस्तै, यस साता शेयर बजारमा दुई कम्पनीको आईपीओ थपिएको छ । नेप्सेमा ८ दशमलव ५ प्रतिशत सानिमा ऋणपत्र २०८७ को ३० लाख ५२ हजार ४०४ कित्ता आईपीओ सूचीकृत भएको छ ।

यसै साता सानिमा लार्ज क्याब फण्डको १२ करोड कित्ता आईपीओ शेयर बजारमा थपिएको छ । त्यसैगरि शेयर बजारमा यस साता एक कम्पनीको हकप्रद शेयर सूचीकृत भएको छ । अपी पावरको ६५ लाख ७० हजार कित्ता हकप्रद शेयर थपिएको नेप्से जनाएको छ ।

हेर्नुहोस्, नेप्सेमा यस साता थपिएका कम्पनीको सूची –