मृगौला प्रत्यारोपण गरेका बिरामीको मृत्युपछि बाहिरियो मेडिसिटी अस्पतालको लापरबाही
मंसिर ६, २०८१
काठमाडौं । नेपाल मेडिसिटी अस्पतालको चरम लापरबाही बाहिरिएको छ । उपचारका लागि ल्याएको बिरामी निको बनाउनुको सट्टा अस्पतालले मृगौला नै ‘गायव’ पारिदिएको भन्दै अहिले परिवार र आफन्त आन्दोलनमा उत्रिएका छन् ।
मृतकका आफन्त कुमार राईका अनुसार इलामका ३८ वर्षका सरोज सुब्बाको नक्खुस्थित नेपाल मेडिसिटी अस्पतालमा असोज ६ गते मिर्गौला प्रत्यारोपण गरिएको थियो ।
प्रत्यारोपण गरेको केही दिनमा नै अस्पतालले बिरामीलाई अस्पतालबाट डिस्जार्च गरेको थियो । केही समयपछि प्रत्यारोपण गरेको मिर्गौलामा समस्या आई बिरामी पुनः अस्पताल भर्ना भएका थिए । कार्तिक २१ गते अस्पतालले मिर्गौलामा इन्फेक्सन भएको भन्दै मिर्गौला निकादिएको थियो ।
मिर्गौला निकालेको भोलि पल्ट नै बिरामीको मृत्यु भएपछि आफन्तले मृत्युअघि नै बिरामीको मृगौला गायब पारिदिएको आरोप लगाएका छन् । र त्यसको जिम्मा अस्पतालले लिनुपर्ने उनीहरूको अडान छ।
आफन्तले किरिया खर्च पाँच लाख उपलब्ध र दुईवटामध्ये एकजना छोरो पढाइदिने सहमत नभई लाश नबुझ्ने अडान लिएका छन् । अस्पतालले भने सबै प्रक्रिया अनुसार नै सुब्बाको उपचार गराएको र पूर्ण निको भएपछि मात्र डिस्चार्ज गरेर घर पठाएको दाबी गरेको छ ।
