मिडिया काउन्सिल विधेयक राष्ट्रियसभामा प्रस्तुत
जेष्ठ २०, २०८१
काठमाडौ । मिडिया काउन्सिल विधेयक, २०८० राष्ट्रियसभामा प्रस्तुत गरिएको छ । सञ्चार तथा सूचना प्रविधिमन्त्री रेखा शर्माले आइतबार विधेयक प्रस्तुत गरेकी हुन् ।
विधेयकमाथि सांसदहरूले उठाएका प्रश्न र जिज्ञासाको मन्त्री शर्माले जवाफ दिएकी थिइन् । यसपछि सभा अध्यक्ष नारायणप्रसाद दाहालले मिडिया काउन्सिल विधेयक, २०८० माथि विचार गरियोस् भन्ने प्रस्ताव सर्वसम्मतिले स्वीकृत भएको घोषणा गरे ।
