सिक्किमको नाथुलामा हिमपहिरो ः तीन नेपालीको मृत्यु
चैत्र २२, २०७९
सिक्किमको नाथुलामा हिमपहिरोमा परी तीन नेपालीसहित सात जनाको मृत्यु भएको छ ।
मृत्यु हुने नेपालीहरूमा दुई जना चितवनका शिवप्रसाद लामिछाने र आशिका ढकाल रहेका छन् भने रुपन्देहीका मुना शाह श्रेष्ठको हिमपहिरोमा मृत्यु भएको भारतीय सेनाले जनाएको छ । उनीहरू नेपालबाट सिक्किम घुम्न भनेर गएका थिए ।
अन्य उत्तर प्रदेश, पश्चिम बंगाल र कोलकत्ताका रहेको भारतीय सञ्चारमाध्यमले जनाएका छन् ।
गान्तोक नाथुला सडकमा मंगलवार दिउँसो हिमपहिरोमा परेर दर्जनौँ घाइते भएको बताइएको छ ।त्यहाँबाट कम्तीमा २० जनालाई जीवितै उद्धार गरिएको सेनाले जनाएको छ ।
