९९ दिनपछि थुनाबाट रिहा भए संन्दीप लामिछाने
पुस २९, २०७९
काठमाडौं । नेपाली राष्ट्रिय क्रिकेट टोलीका पूर्वकप्तान सन्दीप लामिछाने रिहा भएका छन्। किशोरी बलात्कार आरोपमा असोज २० गते पक्राउ परेका उनी ९९ दिनपछि थुनाबाट छुटेका हुन् ।
उच्च अदालत पाटनले २० लाख धरौटी लिएर उनलाई रिहा गरेको हो। नाबालिग बलात्कारको अभियोगमा जिल्ला अदालतको आदेशले लामिछाने थुनामा रहेका थिए।
थुनामा रहेका लामिछानेले जिल्लाको आदेशविरुद्ध उच्च अदालत पाटनमा निवेदन दिएका थिए। उक्त निवेदनमा सुनुवाई गर्दै उच्चले शर्तसहित लामिछानेलाई धरौटीमा रिहा गर्ने आदेश गरेको थियो।
सोही आदेश अनुसार सन्दीप २० लाख धरौटी बुझाएर रिहा भएका हुन् । उनी रिहा हुने बेला कारागार परिसर पुगेका सयौं समर्थकले सन्दीप भाइ हाइहाइको नारा लगाएका छन् ।
जेलबाट ९९ दिनपछि खुल्ला आकाशमा निस्किँदै गर्दा सन्दीपमा कान्ति छाएको देखिन्थ्यो ।
