धादिङमा ८६ वर्षीय वृद्धको पिढीमा लडेर मृत्यु
मंसिर ९, २०७९
धादिङ । धादिङको नीलकण्ठ नगरपालिका वडा नम्बर ८ का भुल बहादुर ढुंगानाको पिढीमा लडेर मृत्यु भएको छ ।
८६ बर्षीय वृद्ध ढुंगाना आफ्नै छिमेकी गोपाल कुमालको घरको पिढीमा मुढामा बस्ने क्रममा मुढाबाट लडी घटनास्थलमै मृत्यु भएको जिल्ला प्रहरी कार्यालय धादिङले जनाएको छ ।
प्रहरी नायव उपरीक्षक श्याम बहादुर खत्रीका अनुसार ढुंगानाको शव पोसमार्टमको लागि धादिङ अस्पताल लगिएको छ । वृद्ध उमेरका ढुंगाना सधैं नै ओल्लोघर पल्लोघर हिडडुल गरिरहने छिमेकीहरुले बताए ।
