केही खोजिरहेको थिए बोलको गीत सार्वजनिक
भदौ ३०, २०७९
काठमाडौं। गायिका सोनिया सेन पोखरेलको आवाजमा ‘केही खोजिरहेको’ बोलको गीत सार्वजनिक भएको छ। बर्मामा बसेर आफ्नो सांगीतिक यात्रा सुरु गरेकी सोनियाले गायक सुगम पोखरेलको शब्द र संगीतमा आफ्नो आवाज दिएकी छिन्। यो सोनियाको पहिलो गीत हो। गायक सुगम पोखरेलले आफूलाई विश्वास गरेर गीत दिएकोमा उनले धन्यवाद दिएकी छिन्। पिग ई प्रोडक्सनले संगीत संयोजन गरेको गीतलाई मादल स्टुडियो युटुब च्यानलबाट सार्वजनिक गरिएको हो।गीतको भिडियोमा प्रदीप बास्तोला र प्रशंसा रायमाझीको अभिनय रहेको छ। शिवराम श्रेष्ठले छायांकन गरेको उक्त भिडियोलाई विजेश पौडेलले सम्पादन र निर्देशन गरेका हुन्।
