बिहीबार काठमाडौं महानगर विरुद्धमा फुटपाथ व्यवसायीले आन्दोलन गर्ने
भदौ २९, २०७९
काठमाडौं । काठमाडौं महानगरपालिकाका विरुद्धमा फुटपाथ व्यवसायीले आन्दोलन गर्ने भएका छन । बिहीबार जिफन्ट निकट नेपाल स्वरोजगार श्रमिक व्यापार संघले फुटपाथ व्यवसायी र साना व्यवसायीलाई विकल्प नदिई हटाएको भन्दै आन्दोलन गर्न लागेका हुन ।संघका अनुसार प्रदर्शनका लागि साना व्यवसायीहरू बिहीबार बिहान ११ बजे सुन्धारामा जम्मा हुने र भद्रकाली हुँदै उनीहरु महानगर कार्यालय परिसरमा पुग्ने कार्यक्रम तय भएको छ । महानगरले फुटपाथ र साना व्यवसायीहरूलाई विनासूचना निर्मम ढंगले लखेट्न खोजेको भन्दै आन्दोलन गर्न लागेको संघले जनाएको छ ।
