प्रधानमन्त्री देउवासँग अध्यक्ष लीको सिंहदरबारमा शिष्टाचार भेटवार्ता
भदौ २८, २०७९
काठमाडौं । प्रधानमन्त्री शेरबहादुर देउवासँग नेपालको औपचारिक भ्रमणमा रहेका चीनको राष्ट्रिय जनकङ्ग्रेस, स्थायी समितिका अध्यक्ष ली चान्शुले शिष्टाचार भेटवार्ता गरेका छन्। प्रधानमन्त्री तथा मन्त्रिपरिषद् कार्यालयमा केही बेरअघि देखि शिष्टाचार भेटवार्ता सुरु भएको हो।
सोमबार नेपाल भ्रमणमा आएका अध्यक्ष लीले आज राष्ट्रियसभाका अध्यक्ष गणेशप्रसाद तिमिल्सिना, नेकपा(एमाले)का अध्यक्ष केपी शर्मा ओली, नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ सँग पनि भेटवार्ता गरेका थिए। यस्तै, परराष्ट्रमन्त्री डा नारायण खड्कासँग पनि उनले आजै भेट गरेका थिए।
