कुवेत जान लागेका ३९ जना महिला त्रिभुवन अन्तर्राष्ट्रिय विमानस्थलबाट पक्राउ
भदौ ८, २०७९
काठमाडौं । त्रिभुवन अन्तर्राष्ट्रिय विमानस्थलबाट ३९ जना महिलालाई पक्राउ गरिएको छ । बुधबार बिहान ३ बजे जजीरा एयरको उडानमार्फत उनीहरु भिजिट भिसामा कुवेत जान लागेका थिए । शंकास्पद कागजपत्र बोकेर जान लागेको भेटिएपछि विमानस्थल प्रहरीले उनीहरूलाई पक्राउ गरि माइती नेपाललाई जिम्मा लगाएको छ ।
प्रहरीका अनुसार भिजिट भिसाका लागि आवश्यक कागजात नभएकाले मानव तस्करीमा संलग्न समूहले कुबेत लैजान लागेको आशंकामा प्रहरीले उनीहरूलाई रोकेको हो । यता स्रोतका अनुसार उनीहरु दुवईको भिजिट भिसालाई आधार मानेर घरेलु कामदारको रुपमा कुवेत जान लागेको पनि बुझिएको छ ।
