फुटबलको क्वार्टरफाइनल समीकरण पूरा
साउन २८, २०७९
काठमाडौं। नमुना स्पोर्टस् क्लबको आयोजनामा ललितपुरको गोदावरीमा शुक्रबारदेखि १९औँ संस्करणको दिनेश स्मृति गाईजात्रा कप फुटबल प्रतियोगिताको क्वार्टरफाइनल समीकरण पूरा भएको छ । गोदावरी बसपार्कस्थित सेन्ट जेभियर फुटबल मैदानमा शुक्रबार भएको खेलमा आयोजक नमुना स्पोर्टस् क्लब ‘ए’ले सिर्जनशील युथ क्लबलाई १–० ले पराजित गरेको छ ।
गोदावरी विकास युथ क्लबले नयाँबाटो युथ क्लबलाई २–० ले हरायो । गोदावरी युनाइटेडले प्रहरी एफसीलाई १–० ले पराजित गरेको छ । नवसमकालीन समाजले शान्ति वन युथ क्लबलाई ३–१ ले तथा लाकुर फुटसलले ड्रिमर एफसीलाई २–१ ले पराजित गर्दै अन्तिम आठको स्थान बनाए । टौखेलले गतिशील युथ क्लबलाई पेनाल्टीमा ५–४ ले हरायो । खालीबारी एफसीले आयोजक नमुना ‘बी’लाई पेनाल्टीमै ५–३ ले तथा लास्टआउट खुमलटारले नवसोच युथ क्लबलाई पेनाल्टीमै ५–४ ले निराश पारे । विजेताले १० हजार रुपैयाँ हात पार्नेछ । नकआउटका आधारमा भएको प्रतियोगितामा १६ टोलीको सहभागिता रहेको छ ।
