म्याद थप गर्न संसदीय छानबिन समितिको माग
साउन ५, २०७९
काठमाडौं । तत्कालीन अर्थमन्त्री जनार्दन शर्माले बजेट निर्माण गर्दा अनधिकृत व्यक्तिलाई प्रवेश गराएको विषयमा छानबिन गर्न बनेको संसदीय विशेष छानबिन समितिले म्याद थप्न माग गरेको छ । बिहीबार शर्मासँग छलफल गरेपछि सञ्चारकर्मीहरूलाई प्रतिक्रिया दिँदै समिति सचिव सुरेन्द्र अर्यालले सभामुख अग्निप्रसाद सापकोटासमक्ष समय थप्नका लागि अनुरोध गरिने बताए । “समितिले छानबिन प्रक्रियालाई निष्कर्षमा र्पुयाउन आवश्यक समय थप गर्न माग गरेर सभामुखसमक्ष प्रस्ताव राखेको छ,” उनले भने, “उहाँहरूले छलफल गरेर समय थप हुनेछ ।”
