सरला यादव प्रतिनिधिसभामा एकीकृत समाजवादीकी प्रमुख सचेतक
असार २४, २०७९
काठमाडौं। नेकपा एकीकृत समाजवादी पार्टीले सरला यादवलाई प्रतिनिधिसभाको प्रमुख सचेतकमा नियुक्त गरेको छ ।शुक्रबार सम्पन्न केन्द्रीय सचिवालय बैठकले सो निर्णय गरेको हो । पार्टी कार्यालय आलोकनगरमा बसेको सचिवालयको ३१ औँ बैठक यादवलाई प्रतिनिधि सभाको प्रमुख सचेतकमा मनोनयन गर्ने निर्णय गरेको प्रचार विभाग प्रमुख जगन्नाथ खतिवडाले बताएका छन्। यसअघि २०७८ मंसिरमा समाजवादीले प्रतिनिधिसभा संसदीय दलको प्रमुख सचेतकमा जीवनराम श्रेष्ठलाई चयन गरेको थियो। तर श्रेष्ठ गत जेठ २२ को सचिवालय निर्णयअनुसार संस्कृति पर्यटन तथा नागरिक उड्ययन मन्त्री बनेसँगै सचेतकको भूमिका यादवले पाएकी हुन्।
