गौशालामा एकैपटक ८ वटा सवारीसाधन दुर्घटना
जेष्ठ ७, २०८२
काठमाडौं । काठमाडौंको गौशालामा बस अनियन्त्रित हुँदा एकै पटक ८ वटा सवारीसाधन दुर्घटनामा परेका छन् । गौशालाबाट तिलगंगातर्फ जाँदै गरेको बा ५ ख ६७३५ नम्बरको बस अनिन्त्रित हुँदा दुर्घटना भएको बताइएको छ ।
उक्त दुर्घटनामा तीन जना घाइते भएका छन्। घाइते हुनेमा धादिङ ज्वालामुखी गाँउपालिका– १ का राजकुमार श्रेष्ठ, नुवाकोट टाडी गाँउपालिका वडा–२ का विकास कट्टेल र खोटाङको हलेसी टुवाचुङ नगरपालिका–५ का शैलेन्द्र राई रहेका छन् । उनीहरुको अहिले सिनामंगलस्थित केएमसी अस्पतालमा उपचार भइरहेको र अवस्था सामान्य रहेको बताइएको छ ।
