२३ औं गोर्खाकप मे २५ मा आयोजना हुँदै
बैशाख ३१, २०८२
लन्डन । बेलायतस्थित नेपाली समुदायकै ठूलो फुटबल प्रतियोगिता २३ औं गोर्खाकप आयोजना हुने भएको छ । तमुधिं यूकेको आयोजनामा हरेक वर्ष गोर्खाकप आयोजना गरिंदै आइएको छ ।
यो वर्ष पनि यहि मे २५ आइतबार अल्डरसटस्थित क्वीन्स् एभिन्यू खेल मैदानमा प्रतियोगिता आयोजना गरिने तमुधिं यूके ले जनाएको छ ।
गोर्खा कपमा मेन (मुख्य समूह), भेट्रान टिम र महिला टिमबीच प्रतिष्पर्धा हुने भएको छ । प्रतियोगितामा विभिन्न विधाबाट प्रथम र द्धितिय हुने टिमलाई नगद ,प्रमाणपत्र र ट्रफीबाट सम्मानित गर्ने गरिएको छ ।
