प्रमुख प्रतिपक्षि दलका नेता प्रचण्ड नेपालगन्जमा , यस्ता छन् कार्यक्रमहरु
चैत्र २०, २०८१
काठमाडौं । प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेपालगञ्ज पुगेका छन्। अखिल नेपाल महिला संघ क्रान्तिकारीको लुम्बिनी प्रदेशको दोस्रो सम्मेलनमा सहभागी हुन अध्यक्ष प्रचण्ड नेपालगञ्ज गएका हुन् । अध्यक्ष प्रचण्डसहित माओवादी केन्द्रका नेताहरू केहीबेर अघि नेपालगञ्ज पुगेका छन् ।
यस्तै माओवादी केन्द्रका नेताहरू यही चैत्र २१ र २२ गते जनतासँग माओवादी तराई–मधेश जागरण अभियानअन्तर्गत बाँके र बर्दियामा हुने कार्यक्रममा सहभागी हुने प्रचण्डको सचिवालयले जनाएको छ । यसअघि उक्त अभियान स्थगित गरेर माओवादी नेताहरू राजधानी फर्किएका थिए । चैत्र १५ गते काठमाडौंमा समाजवादी मोर्चाको जनसभा कार्यक्रममा सहभागी हुन माओवादी केन्द्रले उक्त अभियान स्थगित गरेको थियो । यो अभियान फागुन १२ गतेदेखि झापाको कचनकवलबाट सुरू भएको थियो ।
