बेलायतको हिथ्रो विमानस्थल नजिक भिषण आगलागी, सम्पुर्ण सेवा ठप्प
चैत्र ८, २०८१
लन्डन । युरोपको सबैभन्दा व्यस्त बेलायतको हिथ्रो विमानस्थल आगलागीको मारमा परेको छ । शुक्रबार बिहानै लन्डनको पश्चिममा रहेको बिजुली आपूर्ति गर्ने विद्युतीय सबस्टेशनमा ठूलो आगलागी भएपछि शुक्रबार बिहानै देखि विमानस्थलका सेवाहरु बन्द गरिएको अधिकारीहरूले बताएका छन् ।
उडान–ट्र्याकिङ वेबसाइट फ्लाइट राडार २४ का अनुसार केही उडान पहिले नै मोडिएका थिए भने विमानस्थल अधिकारीहरूले ‘यसैका कारण निकै अवरोध सिर्जना भएको ’ बताएका छन् । “हिथ्रोले महत्त्वपूर्ण विद्युत् कटौतीको अनुभव गरिरहेको छ”, विमानस्थल अपरेटरले आफ्नो वेबसाइटमा एक विज्ञप्तिमा भने, “यो शुक्रवार मध्यरात ९२३५ (जिएमटी) सम्म बन्द हुनेछ, विमानस्थल पुनः नखुलेसम्म यात्रुहरूले कुनै पनि परिस्थितिमा विमानस्थलमा यात्रा गर्नु हुँदैन ।”
लन्डन फायर ब्रिगेडले लन्डन बरोको हिलिङडन सहरको हेसको सबस्टेशनमा ‘उल्लेखनीय’ आगलागी भएको बताएको छ । “आगलागीले ठूलो सङ्ख्यामा घर र स्थानीय व्यवसायलाई असर गर्ने विद्युत् कटौती निम्त्याएको छ र हामी अवरोधलाई कम गर्न हाम्रा साझेदारहरूसँग मिलेर काम गरिरहेका छौँ”, सहायक आयुक्त प्याट गलबोर्नले भन्नुभयो, “यो एक अत्यधिक दृश्यमान र महत्त्वपूर्ण घटना हो । गलबोर्नले भन्नुभयो, ”हाम्रा अग्निशामकहरू आगोलाई यथाशीघ्र नियन्त्रणमा ल्याउन चुनौतीपूर्ण अवस्थामा अथक रूपमा काम गरिरहेका छन् ।”
पर्थबाट आउने क्वान्टास उडान पेरिसको चाल्र्स डे गलमा मोडिएको थियो भने न्युयोर्कबाट युनाइटेड एयरलाइन्सको उडान आयरल्यान्डको श्यानोनमा अवतरण हुने भएको थियो ।
हिथ्रोले वर्षमा आठ करोडभन्दा बढी यात्रुको व्यवस्थापन गर्दछ । बिबिसीले जनाए अनुसार हिथ्रो विमानस्थलको सेवा यसरी ठप्प भएको सम्भवत यो पहिलो घटना हो ।
