पहिरोका कारण राजमार्ग अवरुद्ध
फाल्गुन १६, २०८१
काठमाडौं । बैतडी–बझाङ जोड्ने जयपृथ्वी राजमार्ग ठाउँठाउँमा अवरुद्ध भएको छ । विभिन्न स्थानमा पहिरो गएपछि राजमार्ग अवरुद्ध भएको जिल्ला प्रहरी कार्यालय बझाङले जनाएको छ । प्रहरी नायब उपरीक्षक युवराज भण्डारीका अनुसार जयपृथ्वी नगरपालिका–७ तमैल बजार नजिकै सडकमाथिबाट पहिरो खस्दा राजमार्ग अवरुद्ध छ ।
छविसपाथिभेरा गाउँपालिकाको बालुवाटारमा पनि पहिरो खस्दा सडक अवरुद्ध भएको डीएसपी भण्डारीले बताए । यस्तै बित्थडची गाउँपालिकाको क्षेत्रमा पनि पहिरो खसेपछि राजमार्ग अवरुद्ध भएको प्रहरीले जनाएको छ ।
बिहीबार रातिदेखि बझाङसहित सुदूरपश्चिमका विभिन्न क्षेत्रमा वर्षा भइरहेको छ ।
