नेपालसँग टी–२० शृङ्खला खेल्ने नेदरल्याण्ड्सको महिला टोली घोषणा
पुस २८, २०८१
काठमाण्डौ । नेपालसँग टी–२० शृङ्खला खेल्ने नेदरल्याण्ड्सको महिला क्रिकेट टोलीको घोषणा भएको छ । त्रिवि क्रिकेट मैदानमा घरेलु टोली नेपालसहित नेदरल्याण्ड्स र थाइल्याण्डबीच हुने त्रिदेशीय टी–२० शृङ्खलाका लागि नेदरल्याण्ड्स क्रिकेट बोर्डले बेबेटी डी लिडेको कप्तानीमा १४ सदस्यीय टोलीको घोषणा गरेको हो ।
शृङ्खला आउँदो माघ १७ देखि २५ गते अर्थात् ९जनवरी ३० देखि फेब्रुअरी ७ तारिख० सम्म हुनेछ । खेल तालिकाअनुसार उद्घाटन खेलमा नेपाल र नेदरल्याण्ड्स खेल्दैछन् । नेपाली महिला टोलीको नेदरल्याण्ड्ससँग पहिलो खेल अनुभव हुनेछ ।
शृङ्खलामा हरेक टोलीले हरेकसँग तीन पटक खेल्नेछन् । लिग चरणको अङ्कतालिकाको शीर्ष स्थानमा रहने टोली विजेता बन्नेछ । नेपालले माघ १८ मा थाइल्याण्डसँग, २० मा नेदरल्याण्ड्ससँग, २१ मा थाइल्याण्डसँग, २२ मा नेदरल्याण्ड्ससँग र माघ २३ मा थाइल्याण्डसँग खेल्नेछ ।
