आगामी निर्वाचनमा देशैभर उमेदवार उठाउने एकीकृत समाजवादीको निर्णय
पुस २, २०८१
काठमाडौं । नेकपा एकीकृत समाजवादीले जनताका मागलाई जोडेर संघर्षको माध्यमबाट नै पार्टी निर्माण गर्न सकिने निचोड निकालेको छ ।
पाँच दिनदेखि जारी स्थायी कमिटी बैठकको निर्णयबारे जानकारी दिँदै उपाध्यक्ष तथा प्रवक्ता जगन्नाथ खतिवडाले उक्त जानकारी दिए ।
उनले भने, ‘जनताका मागलाई जोडेर जनसंघर्षकै माध्यमबाट पार्टी निर्माण गर्न सकिन्छ । पार्टी पूर्णरूपमा गाउँका जनतासँग साक्षात्कार गर्नुपर्छ भन्ने दिशामा निर्णय केन्द्रित छ ।’
एकीकृत समाजवादीले पाँच दिनसम्म आगामी कार्ययोजनाबारे छलफल गरेको हो । बैठकले आगामी निर्वाचनमा देशैभरि पार्टीको उमेदवार खडा गर्ने गरी अघि बढ्ने निर्णय पनि गरेको छ ।
