चर्चित क्रिकेटर ब्रायन लारा नेपालमा
मंसिर २८, २०८१
काठमाण्डौ । चर्चित क्रिकेटर ब्रायन लारा नेपाल आइपुगेका छन् । लारा नेपाल क्रिकेट सङ्घ क्यानको निमन्त्रणामा जारी नेपाल प्रिमियर लिग ९एनपीएल० हेर्न नेपाल आएका हुन् । उनलाई क्यान पदाधिकारीले त्रिभुवन विमानस्थलमा स्वागत गरे ।
वेस्ट इन्डिजका क्रिकेट खेलाडी लाराको नाममा टेस्ट क्रिकेटमा एकै इनिङमा नटआउट चार सय रन बनाउने कीर्तिमान छ । ५५ वर्षीय लाराले वेस्ट इन्डिजका लागि एक सय ३१ टेस्टमा झण्डै १२ हजार रन बनाएका छन् भने दुई सय ९९ ओडीआई खेल्दा १० हजारभन्दा धेरै रन बनाएका छन् ।
लाराले जारी नेपाल प्रिमियर लिग ९एनपीएल० का खेलाडीहरूसँग पनि कुराकानी गर्ने क्यानले जनाएको छ ।
