नेत्रहीन टी–२० विश्वकप ः नेपाललाई हराउँदै पाकिस्तान फाइनलमा
मंसिर १६, २०८१
काठमाण्डौ । नेपाललाई हराउँदै आयोजक पाकिस्तान नेत्रहीन टी–२० विश्वकप क्रिकेटको फाइनलमा पुगेको छ । मुल्तानमा आज भएको पहिलो सेमिफाइनलमा पाकिस्तानले नेपाललाई १० विकेटले हरायो ।
नेपालले दिएको ९५ रनको लक्ष्य पाकिस्तानले पाँच ओभर तीन बलमा एक विकेट पनि नगुमाई भेटायो । पाकिस्तानका कमरन अख्तरले ६३ र बाबर अलीले २८ रन बनाए । यसअघि टस हारेर ब्याटिङको निम्तो पाएको नेपालले २० ओभरमा सात विकेट गुमाएर ९४ रन बनायो । नेपालका दुर्गादत्त पौडेलले ४० रन बनाए । पाकिस्तानका मती उल्लाहले तीन विकेट लिए ।
