नेपालले स्कटल्याण्डसँग बाँड्यो अंक
कार्तिक २१, २०८१
काठमाडौ । आँधीहुरीको सम्भावनासँगै आइसिसी विश्वकप लिग–२ मा नेपाल र स्कटल्याण्डबीचको खेल रद्द भएको छ ।
ग्राउण्ड प्रेरी क्रिकेट रंगशाला डालासमा टस हारेर पहिला ब्याटिङ गरेको नेपालले ६ ओभरमा १ विकेट गुमाउँदै २६ रन बनाएको अवस्थामा खेल रोकिएको थियो । जसका कारण खेल स्थगित भएको हो । योसँगै दुवै टोलीले एक–एक अंक बाँडेका छन् । लिग टु मा नेपालले वर्षाका कारण अंक बाँडेको यो दोस्रोपटक हो ।
यसअघि क्यानडा भ्रमणमा पनि नेपालले वर्षाकै कारण ओमानसँग अंक बाँडेको थियो । घरेलु टोली अमेरिकासँग दोस्रो खेलमा पनि पराजित भएको नेपाल जितका साथ सिरिज अन्त्य गर्ने लक्ष्यमा थियो ।
