सुनको भाउ एकैदिन दुई हजार आठ सय रुपैयाँले घट्यो
कार्तिक २०, २०८१
काठमाण्डौ । तिहार बिदा सकिएर कारोबार भएको पहिलो दिन आज सुनको भाउ एकैदिन दुई हजार आठ सय रुपैयाँले घटेको छ ।
आज सुन दुई हजार आठ सय रुपैयाँले घटेर तोलाको एक लाख ६८ हजार दुई सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । तिहारअघि यही कात्तिक १५ गते सुनको भाउ अहिलेसम्मकै उच्च तोलामा एक लाख ७१ हजार रुपैयाँ रहेको थियो ।
यस्तै आज चाँदीको भाउ पनि घटेको छ । आज चाँदीमा ६० रुपैयाँले घटेर तोलाको दुई हजार ३० रुपैयाँमा कारोबार भइरहेको महासङ्घले जनाएको छ ।
