अस्ट्रेलियामा मानव शोषणविरुद्ध लड्न विशेष सङ्घीय प्रहरी परिचालन
कार्तिक १२, २०८१
एजेन्सी । बढ्दो मानव बेचबिखन र शोषणविरुद्ध लड्न अस्ट्रेलियाली सङ्घीय प्रहरी एएफपी ले विशेष अधिकारीहरूलाई देशभरका समुदायहरूमा खटाएको छ ।
नयाँ मानव शोषण सामुदायिक अधिकारीहरूले मानव बेचबिखन र अनलाइन बाल यौन शोषण रोक्नका लागि जोखिममा परेका समुदायहरूलाई लक्षित शिक्षा प्रदान गर्ने एएफपीले जनाएको छ ।
अस्ट्रेलियामा गएको आर्थिक वर्षमा दासत्व, जबरजस्ती विवाह र जबरजस्ती श्रमसहित मानव बेचबिखनका तीन सय ८२ वटा घटना भएका थिए । जुन ३० मा सकिएको आर्थिक वर्ष २०२३र२४ मा यी घटना भएका हुन् ।
एएफपीको नेतृत्वमा रहेको एउटा समितिले देशमा आर्थिक वर्ष २०२२र२३ मा ४० हजार २ सय ३२ र २०२३र२४ मा ५८ हजार ५ सय बढी अनलाइन बाल यौन शोषणका घटना दर्ता भएको जनाएको छ ।
