सरकारविरुद्धको आन्दोलनलाई जारी राख्ने रास्वपाको निर्णय
कार्तिक १०, २०८१
काठमाडौं । राष्ट्रिय स्वतन्त्र पार्टी रास्वपाले सरकारविरुद्धको आन्दोलनलाई जारी राख्ने निर्णय गरेको छ । केन्द्रीय कार्यालयमा बसेको केन्द्रीय समितिको अनौपचारिक बैठकले आन्दोलनलाई जारी राख्ने निर्णय गरेको नेता मनिष झाले जानकारी दिए ।
उनका अनुसार, आज बैठक पनि बस्ने छ । आन्दोलनका कार्यक्रमको स्वरूपबारे आज जानकारी गराइने छ । सहकारी ठगी प्रकरणमा मुछिएका पार्टी सभापति रवि लामिछाने कात्तिक २ गते काठमाडौंबाट पक्राउ परेका थिए । तर, रास्वपाले सरकारले प्रतिशोध साँधेर सभापति लामिछानेलाई पक्राउ गरेको निष्कर्ष निकालेको छ ।
पक्राउ परेलगत्तै सडक आन्दोलनमा उत्रिएको रास्वपाले बिहीबारसम्म पोखरामा प्रदर्शन गरेको थियो । उसले आजबाट काठमाडौंमा प्रदर्शन सुरु गरेको छ ।
