यूएस ओपन ः फ्रिट्ज पहिलो पटक सेमिफाइनलमा
भदौ १९, २०८१
काठमाडौँ । टेलर फ्रिट्जले एलेक्जान्डर जेभरेभलाई पराजित गर्दै मंगलबार यूएस ओपन(२०२४ को सेमिफाइनल यात्रा तय गरेका छन् । उनी ग्रान्ड स्लामको सेमिफाइनल पुगेको यो नै पहिलो पटक हो ।
यसअघिका चार ग्रान्ड स्लाम क्वाटरफाइनल हारमा पूर्णविराम लगाउँदै फ्रिट्ज यसपल्ट जेभरेभलाई ७–६, ३–६, ६–४ र ७–६ ले पराजित गरे । यो जितपछि सन् २००३ यता अमेरिकी खेलाडीले यूएस ओपन जित्ने सम्भावना कायम रहेको छ।
