धादिङमा गुडिरहेको माइक्रो बसमाथि रूख ढल्यो, १० यात्रु घाइते
साउन २१, २०८१
धादिङ । धादिङमा गुडिरहेको माइक्रो बसमाथि रूख खस्दा १० जना यात्रु घाइते भएका छन्। घाइतेहरूको गजुरी अस्पतालमा उपचार भैरहेको छ ।
धादिङबेंसीबाट काठमाडौं तर्फ गुडेको बागमती प्रदेश ०१–००६ ख ६५१२ नम्बरको ईभी माइक्रो बस गजुरी–५ जरेखोला नजिक पहिरोमा परेको थियो। पहिरोसँगै रूख पनि ढलेर माइक्रोबसमाथि बजारिएको थियो।
जिल्ला प्रहरी कार्यालय धादिङका अनुसार माइक्रो बसमा सवार १० जना यात्रुहरू घाइते भएका छन्।
