धादिङबेसी स्थित थोपलखोलामा डुबेर एक जनाको मृत्यु
असार २५, २०८१
धादिङ । धादिङबेसी स्थित थोपलखोलामा डुबेर एक जनाको ज्यान गएको छ । गंगाजमुना गाउँपालिका–३ घर भई हाल नीलकण्ठ–१२ स्थित सांकोषमा बस्दै आएका २४ वर्षिय साजन सिंम्खडाको सोमबार थोपलखोलामा पौडी खेल्ने क्रममा मृत्यु भएको जिल्ला प्रहरी कार्यालय धादिङका प्रहरी नायव उपरिक्षक मकेन्द्र कुमार मिश्रले जानकारी दिए ।
पौडी खेल्ने क्रममा घाईते भएका सिंखडालाई तत्काल उद्धार गरि धादिङ अस्पताल लगिएको भएपनि चिकित्सकले मृत घोषणा गरेको मिश्रको भनाई छ । घटनाको थप अनुसन्धान भईरहेको प्रहरीले जनाएको छ ।
