विश्वकपका खेल खेल्न सन्दीप लामिछाने वेस्ट इन्डिजमा
जेष्ठ २८, २०८१
काठमाडौ । टी २० विश्वकपमा सहभागी हुन क्रिकेटर सन्दीप लामिछाने वेस्ट इन्डिज पुगेका छन् । वेस्ट इन्डिजमा नेपालले खेल्ने दुई म्याचमा उनको सहभागिता निश्चित भएको क्यानका सचिव पारस खड्काले विज्ञप्ति जारी गरेर जानकारी दिएका छन् ।
अमेरिकाले भिसा नदिएपछि रोकिएका उनी वैकल्पिक बाटोबाट वेस्ट इन्डिज गएको क्यान स्रोतले बताए । अमेरिकामा नेपालले खेल्ने दुई म्याच उनले गुमाए पनि वेस्ट इन्डिजमा उनले खेल्न पाउने भएका छन् ।
वेस्ट इन्डिजको भिन्सेन्टमा जेठ ३२ दक्षिण अफ्रिका र असार २ मा बङ्गलादेशसँग खेल्ने तालिका छ ।
