गायक रूपक परियारको खानीखोला छेउको दोस्रो भाग सार्वजनिक
जेष्ठ २६, २०८१
धादिङ । धादिङ धुनिवेशीका गायक रूपक परियारको लोकदोहोरी गीत खानीखोला छेउको अपार सफलता पछि अर्को खानीखोला छेउ २ बजारमा आएको छ।
विगतमा श्रोता तथा दर्शकहरूको मन जित्न सफल परियारले पुनस् अर्को काठे लोक दोहोरी गीत खानीखोला छेउको भाग २ लेराएका छन्।
गायक रूपक परियार र रचना रिमालको स्वर रहेको गीतमा राम थापा शिशिर र रूपक परियारको लय रहेको छ। अशोक कुमार सापकोटाले शब्द कोर्नु भएको उक्त गीतमा विष्णु तामाङले एरेन्ज गर्नु भएको छ। गीतमा आरुषी मगर र बिक्रम नेपालीको अभिनय रहेको छ। उक्त गीत मिलन फिल्म प्रा।लिले युट्युब च्यानल मार्फत सार्वजनिक भएको छ।
